E’lonni ko‘rib birinchi marta qo‘ng‘iroq qilgan nomzod
Nomzod: Salom, e’lonni ko‘rdim, ish bo‘yicha qo‘ng‘iroq qilyapman.
HR: Assalomu alaykum! Juda yaxshi, Ismingizni bilib olsam bo‘ladimi? (Ismini aytgandan keyin) Qisqacha o‘zingiz haqingizda aytingchi — ishsizmisiz yoki ishlayotgan joyingiz bormi?
HR: Ajoyib! Demak siz bizga mos bo‘lishingiz mumkin. Sizni intervyuga taklif qilsak, ertangi 10:00 sizga qulaymi?
Nomzod ish tavsifini so‘raydi
Nomzod: Ishning o‘zi nimalardan iborat?
HR: Lavozim — bu mijozlar bilan muloqot qilish va buyurtmalarni qabul qilishdan iborat. Ish jarayonida sizga o‘rgatamiz, doimiy rahbar yordam beradi. Biz uchun eng muhimi — mas’uliyat va muloqot madaniyati.
Yakun: Agar sizga qiziq bo‘lsa, intervyuga chaqiray — barcha tafsilotlarni joyida ko‘rib chiqamiz.
Nomzod maosh haqida so‘raydi
Nomzod: Maoshi qancha?
HR: Bu lavozimda o‘rtacha oylik 4 dan 6 million so‘mgacha, lekin u ish natijangizga qarab oshadi. Bizda bonus tizimi bor — faol xodimlar bajargan qo'shimcha ishlari uchun pul mukofotlari bilan taqdirlanadi.
Yakun: Siz natijaga yo‘naltirilgan ishlasangiz, bu ish sizga juda mos tushadi.
Tajribasiz, lekin qiziqayotgan nomzod
Nomzod: Tajriba yo‘q, lekin o‘rganishga tayyorman.
HR: Bu juda yaxshi! Biz yangi boshlovchilarni 1 oy pul to'lab o'qitamiz. Biz uchun eng muhimi — o‘rganish istagi.
Yakun: Agar sizda motivatsiya bo‘lsa, biz sizni o‘qitamiz. Bugun yoki ertaga suhbatga kela olasizmi?
Tajribali, lekin ikkilanayotgan nomzod
Nomzod: Men ilgari bu sohaga yaqin joyda ishlaganman, lekin hozir aniqlashtiryapman.
HR: Demak sizda tajriba bor — bu yaxshi. Bizda shunday mutaxassislar uchun o‘sish imkoniyatlari ko‘p: rahbarlik, mukofot, o‘quv kurslari. Sizni shunchaki tanishuv suhbatiga taklif qilay, mosligini birga bilib olamiz.
Yakun: Intervyu 20-30 daqiqa davom etadi, sizga mos vaqtni tanlab olamiz. Bugun yoki ertaga qulaymi?
Nomzod faqat onlayn ish so‘raydi
Nomzod: Faqat uydan ishlash imkoniyati bormi?
HR: Hozircha bu lavozim ofisda ishlash uchun mo‘ljallangan. Lekin bizda ayrim loyihalarda masofadan ishlash imkoniyatlari paydo bo‘ladi — sizning ma’lumotingizni bazaga kiritib qo‘yaman. Vaqti bilan sizga o'zim qayta aloqaga chiqaman.
Yakun: Kelajakda online lavozimlar chiqqanda birinchi sizga qo‘ng‘iroq qilamiz.
Nomzod ish joyi uzoq deb hisoblaydi
Nomzod: Manzil menga biroz uzoq ekan.
HR: Ha, tushundim. Bizda yotoqxona ham bor. Bemalol yashab ishlash imkoni bor. 3 mahal ovqat ham beriladi. Agar sizga maqul kelsa suhbatga kelsangiz batafsil gaplashamiz.
Nomzod hozir ishda, lekin yangi imkoniyat izlayapti
Nomzod: Hozir ishlayapman, lekin yangi variant qidiryapman.
HR: Tushundim. Nega hozirgi ishingizdan ketmoqchisiz?
Yakun: Siz uchun qulay tarzda intervyu tashkil qilamiz. Qachon kela olasiz intervyuga?
Nomzod intervyuga kelishni tasdiqlaydi
Nomzod: Ha, intervyuga kelaman.
HR: Juda yaxshi! Unda sizni [kun, soat, manzil]da kutamiz. Manzilni SMS orqali yuboraman, siz kelganingizda “HR bo‘lim”ni so‘raysiz. Siz bilan tanishishdan xursand bo‘lamiz!
Yakun: Intervyuda sizni barcha ma'lumotlar bilan tanishtiraman.
Nomzod “keyinroq qo‘ng‘iroq qilaman” deydi
Nomzod: Hozir emas, keyinroq qo‘ng‘iroq qilaman.
HR: Tushundim 😊 Agar hohlasangiz, siz uchun ism-sharifingizni yozib qo‘yaman, keyin o‘zim eslatma sifatida qo‘ng‘iroq qilaman. Sizga qaysi vaqt qulay — ertangi tushlikdan keyinmi yoki kechqurun?
Yakun: Shunday qilib, siz bilan aloqada qolamiz va imkoniyatni yo‘qotmaymiz.